जय जय लक्षुमिकांता शेषशायी

जय जय लक्षुमिकांता शेषशायी नारायणा हो । भक्तजनातें रक्षुनि करिसी तापत्रयहरणा हो ॥धृ॥ आदि अनादि सर्वा विश्वासी तूं निज आधार हो । तुझिया ठायीं कल्पित जाले जगनग चराचर हो ॥ त्रिगुणात्मक होउनिया ब्रह्माविष्णू महेश्वर हो । स्वच्छंदानें करिसि उत्पत्ति स्थितीं आणि संहार हो ॥१॥ युगायुगाचे ठाईं जन्मी येउनि वारंवार हो । मच्छकच्छवराह घेसी सिंहादिक अवतार हो ॥ शरणागत रक्षुनिया करिसी दु:खाचा परिहार हो । दुष्टजनातें दंडुनि हरिसि पृथ्वीचा भूभार हो ॥१॥ भृगजळवत हा सेवुनि लटिका मायावी संसार हो । नाना लीला दावुनि शेवटिं होसी निर्विकार हो । सच्चितसुखघन आत्मा निर्मळ सर्वांचें निजसार हो ॥ नीरंजनगुण गातो नकळे तव स्वरुपाचा पार हो ॥३॥