जयदेव जयदेव जय भैरवराया

जयदेव जयदेव जय भरवराया । इच्छा वाटतसे बहु तुझे गुण गाया ॥धृ॥ कैलासाहुनि येणें केलें सत्वर । काळभैरवरूपें घेउनि अवतार ॥ पंचक्रोशीमाजी पापाचे भार । दंडुनिया भक्ताचा करिसी उद्धार ॥ जय ॥१॥ काशीक्षेत्राचा बहु केला प्रतिपाळ । ह्मणवुनि तुज ह्मणती श्रीक्षेत्रपाळा । अखंड हस्तकिं शोभे डमरु त्रिशूळ । सर्वहि छेदन केलें असुराचें कूळ ॥२॥ अश्वारूढ होउनि पृथ्वीच्या वरी । निजदासाचें रक्षण करिसि बहुपरी ॥ स्वच्छंदानें येउनिया कृष्णातीरीं । शरणागत नीरंजन आरती करी ॥३॥