धन्य धन्य हे प्रदक्षिणा सद्गुरुरायाची

धन्य धन्य हे प्रदक्षिणा सद्गुरुरायाची । झाली त्वरा सुरवरां विमान उतरायाची ॥ धृ ॥ पदोपदीं अपार झाल्या पुण्याच्या राशी । सर्वही तीर्थें घडलीं आम्हा आदिकरुनि काशी ॥ १॥ मृदंग टाळ घोळ भक्त भावार्थें गाती । नामसंकीर्तनें ब्रह्मानंदें नाचती ॥ २॥ कोटि ब्रह्महत्या हरती करितां दंडवत । लोटांगण घालितां मोक्ष लोळे पायांत ॥ ३॥ गुरुभजनाचा महिमा न कळे आगमा##-##निगमांसी । अनुभव ते जाणती जे गुरुपदिंचे रहिवासी ॥ ४॥ प्रदक्षिणा करूनि देह भावें वाहिला । श्रीरंगात्मज विठ्ठल पुढें उभा राहिला ॥ ५॥