काय करूं गे माय आतां कवणा ओंवाळूं
देवता: श्री राम
मूळ शब्द
काय करुं गे माय आतां कवणा ओंवाळूं ॥
जिकडे पाहे तिकडे राजाराम कृपाळूं ॥ धृ. ॥
ओंवाळूं गे माये निजमूर्ति रामा ॥
रामरुपी दुजेपणा न दिसे आम्हां ॥ १ ॥
सुरवर नर वानर अवघा राम सकल ॥
दैत्य निशाचर तेही राम केवळ ॥ २ ॥
त्रैलोक्यस्वरुपें राम संचारला एक ॥
सदगुरुकृपे केशवराजी आनंद देख ॥ ३ ॥
पूजा बुक करायची आहे?
अनुभवी, पडताळणी केलेले पुरोहित संपूर्ण वैदिक विधीसह पूजा करतील.
