श्री अन्नपूर्णा देवीची आरती

श्री अन्नपूर्णे देवी जयजय जगदंबे जननीं । तुज ऎसी देवता नाही कोणी त्रिभूवनी ॥ धृ. ॥ विप्र धनंजय त्याची भार्या सुलक्षण होती । ती दोघेही अनन्यभावे तव भक्ति करिती ॥ तुझ्य़ा प्रसादे झाली त्यांना पुत्राची प्राप्ती ॥ सुखशांती लाभली देवी ऎशी तव कीर्ती ॥ १ ॥ नरदेहाचें सार्थक होते तव पूजन करुनी । नामस्मरणे सकलही जाती भवसागर तरुनी ॥ जीवन जरि हें भरले आहे व्याधि - उपाधींनीं । प्रसन्न परि तू होता सारे भय जाते पळूनी ॥ २ ॥ छंद मनाला तुझा लागला मी करितो धांवा । धावुनी ये देंवते पाहुनी मम भक्तीभावा ॥ अखंड शाश्वत प्रेमसुखाचा दे मजला ठेवा ॥ जन्ममृत्यूचा फेरा चुकवी ठाव पदी द्यावा ॥ ३ ॥ तूं माझी माऊली जाण मी बालक तव तान्हा । क्षमस्व माते अपराधांची करूं गणना ॥ अन्नवस्त्र दे वैभव सारे सुखभोगहि नाना । मिलिंदमाधव करी प्रार्थना वंदुनी तव चरणां ॥ ४ ॥