उभा दक्षिण पंथे काळाचा

उभा दक्षिण पंथे काळाचा काळ । खङ्‌ग, चक्र वाटी हाती त्रिशुळ । गळा शोभे त्याच्या स्फटीकाचीं माळ आपुलीयादासाचा करतो सांभाळ । जयदेव जयदेव जयक्षेत्रपाळा । आरती ओंवाळूं तुझीया मुखकमळ ॥ जय देव जय. ॥ प्रथम काशिपुरी रहीवासी केला । दैत्य वधावया क्रोध उपजला । काळास मर्दून निष्पाप केला । काळभैरव असे नाम पावला ॥ जय. ॥ पूर्वी सुवर्णाची होती सुनगरी । तेथे भैरव राज आणि योगेश्वरी । रीद्धीसिद्धी त्याच्या अष्टीकानारी । ध्यातो त्रिंबकराज निशिदिनी अंतरी ॥ जय. ॥